Friday, April 23, 2010

နအဖ နှင့် ၀ တင်းမာမှုကြောင့် လားဟူ BGF တပ်ရင်းသစ်မှ တပ်သားများထွက်ပြေး ။

Friday, 23 April 2010 20:19 သျှမ်းသံတော်ဆင့် .

အပစ်ရပ်အပေါ်နအဖသတိပေးထားသည့် ဒက်လိုင်းကြောင့် ၀ တပ်နှင့် တိုက်ပွဲဖြစ်လျှင် လားဟူ BGF တပ်ရင်း သစ်အား ရှေ့ပြေးတပ် အဖြစ်အသုံးပြုရန်အတွက် ပြင်ဆင်မှုပြုလုပ်ခိုင်းသဖြင့်ထွက်ပြေးကြခြင်း ဖြစ်သည်ဟု စုံစမ်း သိရှိရပါသည်။
“ဒီအပတ်ထဲဘဲ စတင် ထွက်ပြေးကြတယ်။ ဆယ်ဂဏန်းလောက်ရှိမယ်။ အိမ်ပြန်ပြီး ဘိန်းခြံဘဲလုပ်တော့မယ် ပြောတယ်”- ဟု ထွက်ပြေးသည့်လားဟူတပ်သားသစ်အချို့နှင့် ရင်းနှီးသည့် သျှမ်း - လားဟူ ကပြားတဦးက ပြောပါသည်။

ဧပြီ ၁၉ ရက် မိုင်းတုံမြို့နယ် ပုံပါကျင်အခြေစိုက် နအဖ စစ်ဗျူဟာမှူးက လားဟူ (ပြည်သူ့စစ်) နယ်ခြားစောင့် တပ်အကြီး အကဲ များအား အစည်းအဝေးဆင့်ခေါ်ခဲ့ကြောင်း၊ ထိုအစည်းအဝေးတွင် - ဖြစ်ပေါ်နေသည့်နိုင်ငံရေး အရ ၀ တပ်ဖွဲ့ အသွင်ပြောင်းရန်အာခံခဲ့ပါက ကူညီတိုက်ခိုက်ဖို့ လားဟူတပ်ဖွဲ့ အသင့်ပြင်ဆင်ထားရန် မှာကြားခဲ့ပြီးနောက် ဤကဲ့သို့ တပ်ပြေးကြခြင်းဖြစ်သည်ဟု ဆိုသည်။

“လားဟူအမျိုးသားတွေရဲ့ ပင်ကိုယ်စရိုက်က တိုက်ပွဲမရှိဘဲနဲ့ စစ်တပ်ထဲမှာ အချိန်ပြည့် နေလေ့မရှိဘူး၊ ထိုးစစ်ထက် ပြောက်ကျားစနစ်နဲ့ ခံစစ်ကသူတို့ပိုအားသန်တယ်။ အခုဟာကလဲ ၀ နဲ့လားဟူက ဘိုးဘေး စဉ်ဆက်အတူနေ လာခဲ့ တယ်လေ၊ သူတို့မတိုက်ချင်ဘူး၊ နောက်တခုက နအဖ လစာစပေးနေတယ် ဆိုပေမယ့် သူတို့အတွက် မလုံလောက်ဘူး၊ ဘိန်းခြံလုပ်ရရင်အဲ့ထက် ၁၀ ဆ မက ရတယ်လေ” -အမည်မဖေါ်လိုသည့် လားဟူ အသိုင်းအ၀ိုင်းတဦးကပြောပါသည်။

လားဟူနယ်ခြားစောင့်တပ်ဖွဲ့ တပ်ရင်းမှူး ဂျပီးကွယ်၏ (နအဖ အပ်နှင်းထားသည့်) ဗိုလ်မှူးရာထူး လစာငွေမှာ ကျပ် ၁ သိန်း ၇ သောင်း၊ ဒုတပ်ရင်းမှူး ဗိုလ်ကြီးရာထူး လစာငွေကျပ် ၁ သိန်း ၂ သောင်း၊ အခြေခံတပ်သား လစာမှာမူ ကျပ်ငွေ ၄ သောင်း ၅ ထောင် ပေးမည်ဟုပြောသော်လည်း အခုချိန်ထိမရသေးဟု ထိုင်းနယ်စပ် ရောက် အမည်မဖေါ်လိုသည့် လားဟူတပ်သား တဦးက အတည်ပြုပါသည်။

လက်ရှိ ဂျပီးကွယ်ဦးဆောင်သည့် လားဟူ နယ်ခြားစောင့်တပ်ရင်း (အမှတ် ၁၀၀၇ ) တွင် အင်အား ၂၉၆ နှင့် နအဖ အရာရှိ ၃၀ အဆင်သင့်ရှိနေပြီဖြစ်သော်လည်း လက်နက်အလက်တစ်ရာခန့်သာရှိသေးသည်ဟု ဆိုသည်။

၎င်းလားဟူပြည်သူ့စစ်တပ်ဖွဲ့ နယ်ခြားစောင့်တပ် အသွင်ကူးပြောင်းပွဲကို မတ်ခ်ျ ၃၁ ရက်နေ့က စရဖ အရာ ရှိချုပ် နယ်ခြားစောင့်တပ် အသွင်ကူးပြောင်းရေး ဖေါ်ဆောင်ရေးကော်မတီ ဥက္ကဌ ဒုဗိုလ်ချုပ်ကြီးရဲမြင့်၊ သျှမ်းပြည်နှင့် ကရင်နီပြည်တိုင်းချုပ် ဒုဗိုလ်ချုပ်ကြီး မင်းအောင်လှိုင်တို့ကိုယ်တိုင် အခမ်းအနားတက်ရောက် ရာထူးချီးမြင့်ခဲ့သည်။

PNS-Japan
သတင်းမှတ်တမ်း ။ မူရင်း (သျှမ်းသံတော်ဆင့်)

0 comments: